XII edición do (S8) Mostra de cinema periférico

Fecha 28-05-2021 a 6-06-2021
Lugar
0 Flares Facebook 0 Twitter 0 Google+ 0 Pin It Share 0 LinkedIn 0 0 Flares ×

O circuto Nomadica, proxecto italiano impulsado por Giuseppe Spina e Giulia Mazzone, leva once anos promovendo a difusión e a reflexión sobre o cinema experimental en Italia a través de proxeccións, seminarios, obradoiros e propostas en liña. Nomadica concíbese como un laboratorio permanente e único, adicado á investigación das imaxes en movemento e do cinema como forma de arte, abordando a imaxe en movemento como un medio transversal con potencial para traspasar fronteiras e abrirse á exploración. En 2021 LABA (Libera Accademia di Belle Arti di Brescia) convidou a Nomadica a desenvolver unha actividade pedagóxica en torno ao cinema experimental. Froito desta colaboración xurde o Laboratorio per il cinema d’artista, un proxecto curatorial didáctico que busca identificar novos vínculos entre as artes, a docencia, a difusión cultural e a reflexión.

Entre os comisarios internacionais convidados a participar neste Laboratorio atópanse Elena Duque e Ángel Rueda do (S8) Mostra de Cinema Periférico. Neste marco, o (S8) preparou un videoensaio e un programa en torno ao cine experimental en super 8 baixo o título “Unha (posible) volta ao mundo en super 8”, que estará dispoñible na web de Nomadica a partir do mércores 21 de abril e ata o 30 de maio. Un formato de cine de paso estreito cuxas peculiaridades fixeron florecer a unha clase particular de cineastas.

No videoensaio, titulado “Cine experimental en super 8: un manual de instruccións” e realizado para a ocasión, convocamos a algúns dos cineastas que nos visitaron nestes anos para falar das particularidades creativas do formato: Claudio Caldini, Helga Fanderl, Marcos Bertoni, Teruo Koike e Saul Levine.

A través do programa comisariado convidamos a dar unha volta ao mundo en super 8. Partimos desde Alemaña con Helga Fanderl, cunha das súas composicións en super 8. Cruzamos o océano rumbo a Arxentina en busca de Claudio Caldini, cabeza dunha das máis brillantes xeracións do cine experimental latinoamericano. Rumbo ao norte, en Estados Unidos atopámonos con Saul Levine, nun cinema onde o político e o personal crúzanse con visceral vehemencia. E rematamos o percorrido en Xapón, adentrándonos nun particular ecosistema: o construido por Teruo Koike.

Este programa é parte do intercambio que terá lugar este ano entre o (S8) e o Circuito Nomadica, que culminará cunha carta branca en torno ao cinema experimental italiano que Spina e Mazzone traerán a Coruña en xuño á nosa edición presencial. 

Publicidad

Los comentarios se han cerrado.

0 Flares Facebook 0 Twitter 0 Google+ 0 Pin It Share 0 LinkedIn 0 0 Flares ×