A parroquia pontesa de Goente acollerá o domingo, 8 de outubro, a XIII edición da Feira do Mel e o Queixo, unha proposta que ten como obxectivo poñer en valor dous dos produtos esenciais da gastronomía do municipio.

Programa da feira:

• 10.00 horas. Apertura dos postos de mel e queixo de produtores locais e chegados desde diferentes puntos da xeografía galega así como dos postos de artesanía e alimentación.
• 12.00 horas. Celebraranse dous talleres, un obradoiro infantil de cociña e outro obradoiro sobre hortos para abellas que terán continuidade a partir das 16:00 horas ata as 18:00 horas.
• 12.30 horas. Degustación de petiscos elaborados a partir dos queixos de Eume e mel de Goente.