Concierto de Os Amigos dos Músicos en A Coruña.
Os Amigos dos Músicos presentan o seu disco de debut en A Coruña dentro do ciclo Noites de Vermú Petroni. A banda acaba de recibir o Premio Martín Códax da música galega a mellor grupo de Pop/Indie. Os premios, organizados pola asociación Músicos ao Vivo e celebrados no Pazo da Cultura de Pontevedra, recoñecen o traballo da banda no último ano, no que publicaron o seu primeiro disco e levaron a súa música por dentro e fóra do país.
O grupo continúa presentando o seu primeiro disco e despois de levar as súas cancións a Asturias, Euskadi, Valencia ou Madrid, Os Amigos retoman a xira galega que xa os levou a Ourense, Compostela e Lugo, para agora visitar Carballo, A Coruña e Pontevedra, entre outros lugares. No verán, estarán nalgúns dos máis importantes festivais galegos, como o Atlantic Fest, na Illa de Arousa, o Festival de la Luz, en Boimorto, o Surfing the Lérez, en Pontevedra ou o V de Valarés, en Ponteceso.