Amistat llegará ao Teatro Colón da Coruña o venres 21 de novembro de 2025 ás 21:00h, nun concerto no que o artista Luke Noa será o encargado de abrir a noite.

Trátase dun concerto único nunha soa data, no que o dúo de xemelgos Josef e Jan Prasil ofrecerá unha velada íntima, cargada de emoción, harmonías exquisitas e historias persoais convertidas en canción. A súa proposta, que lembra a Simon & Garfunkel e se inspira en artistas como Ben Howard ou Kings of Convenience, promete unha experiencia profundamente humana, coa forza das súas voces entrelazadas e unha posta en escena que busca a conexión directa co público.