Presentación da Novela: Tres Feridas, de Manrique Fernández, en Santiago de Compostela

O escritor e xornalista Manrique Fernández presenta mañá xoves, ás 20:00 horas, na Libraría Couceiro de Santiago de Compostela, a súa primeira novela, "Tres feridas", publicada pola editorial Belagua. No acto parciparán, ademáis do autor, a actriz e comunicadora Neves Rodríguez e a editora, Edurne Baines.

Tres feridas, cuxo título fai alusión ao coñecido poema de Miguel Hernández, desenvólvese en torno ás ideas da vida, o amor e a morte, encarnadas nos seus tres protagonistas, aos que a falta de comunicación marcaralles a súa existencia con profundas feridas emocionais.

Nesta historia, que comeza cun sorprendente secuestro e descurre, entre outros lugares, por distintos escenarios de Santiago de Compostela, os soños de Rafael e a súa idealización do amor levarán a desgracia ás persoas ás que máis quere, vítimas dos que cren que os sentimentos poden ser programados.