En Desconcerto Cultural celebramos o Día Internacional da Muller co mellor da escena artística galega 100% feminina. Así, na xornada do 7 marzo, véspera do DIM, contaremos coa presenza de Angélica y Roberta, Calixta e Calamity Anne na sala Cachán Clube de Santiago, nun evento que demos en chamar “A Noite da Muller” e que contará con proxeccións e actuacións musicais.
Deste xeito, en Desconcerto Cultural seguimos a apoiar a escena artística e musical galega, seguindo a liña de eventos como a Romaría Pop ou o Samaín Rock pero, desta volta, participando e apoiando unha celebración tan relevante a nivel mundial coma é o Día Internacional da Muller.
Porque o rock and roll non é cousa só de homes, Desconcerto Cultural trata de dar cabida a unha escolma de propostas que, trascendendendo o ámbito meramente musical, dan conta da forza e empuxe existente nunha escea creativa na que a muller fai tempo que derrubou estereotipos.
Horarios do evento
22:00 h. - Apertura de portas
22:30 h. - Proxección e pequena actuación de Angélica y Roberta
23:15 h. - Concerto Calixta
00:15 h. - Pinchada Angélica y Roberta
02:15 h. - Pinchada Calamity Anne
Prezos: 5€ entrada única en billetería