Real Filharmonía de Galicia, con Pedro Neves e Luis González Martí en Vigo

O 28 de xaneiro ás 20.30 h. o Teatro Afundación de Vigo acolle o concerto da Real Filharmonía de Galicia baixo a batuta de Pedro Neves e con Luis González Martí na trompeta.

Pedro Neves estudou violonchelo no Conservatorio de Música de Aveiro, na Academia Nacional Superior de Orquestra, en Lisboa, e na Escola de Música Juan Pedro Carrero, en Barcelona. Graduouse en dirección orquestral pola Academia Nacional Superior de Orquestra. Mestre titular da Orquestra Clásica de Espinho e mestre convidado da Orquestra Gulbenkian, actualmente prepara o seu doutoramento na Universidade de Évora sobre as seis sinfonías de Joly Braga Santos.

Luis González Martí é un dos trompetistas españoles máis destacados actualmente no seu labor como docente e como solista. Desde 2005 é profesor residente nos festivais organizados por Spanish Brass Luur Metalls e da Academia de Alto Rendimiento de Ad Libitum en Ontinyent-Valencia. É profesor de trompeta no Centro Superior de Música do País Vasco (Musikene).

A Real Filharmonía de Galicia (RFG) inicia a súa actividade en 1996 no Auditorio de Galicia de Santiago de Compostela, onde presenta a súa tempada estable de concertos. Na actualidade, o director da formación é Paul Daniel, quen está acompañado por Maximino Zumalave, director asociado, e Christoph König, principal director convidado.