Monólogo de Luis Zahera
Monólogo de Luis Zahera en Pontevedra
Luís Zahera explica as súas vivencias vitais como actor e a deriva que o ten levado a interpretar papeis de raro, de non moi listo e sempre de chungo. Farto da vida, da crise, de non ter papeis de galán no cine, e sobre todo de todos este papeis de chungo… pódese afirmar que na súa carreira como actor persigueo o chunguismo, sen dúbida nengunha.
Luis Zahera saltou á fama en Galicia polo seu papel de "Petróleo" na exitosa serie da TVG, Mareas vivas. Á marxe disto, participou en moitas outras series e películas, ademais de numerosas obras de teatro e curtametraxes.
Aínda que a súa carreira se deenvolveu principalmente en Galicia, nos últimos anos deu o salto á ficción en series de ámbito estatal, con pequenas colaboracións en series como Hospital Centralou El comisario. Máis recentemente participou en Motivos Personales e conseguiu un papel fixo en A tortas con la vida, serie dos creadores de Aquí no hay quien viva que non puido repetir o éxito desta. Posteriormente participou con papeis secundarios en La familia Mata (2007-2009) e a exitosa Sin tetas no hay paraíso (2008).
En cine destacan traballos coma O lapis do carpinteiro (baseada na novela homónima de Manuel Rivas), O ano da carracha, ou Alatriste, entre outras moitas.