Feria gastronómica ETIQUETA NEGRA 2019 en Pontevedra

Ubicado no núcleo central da feira, vai contar coa presenza de máis de 100 produtores. Nos distintos stands poderanse atopar viños, licores, vermús, cervexas e outras bebidas sorprendentes como hidromel e refrescos 100% naturais, cafés, infusións, marmeladas, galletas, tortas, doces, xeados, produtos de quinta gama, aceites, queixos, patés, carnes, congro seco, caracois, embutidos, xamóns, conservas, legumes, salsas e aderezos, pans e empanadas e un sen fin de delicias que farán gozar ao padal.

Anfiteatro

Espazo onde se desenvolven os showcookings de cociña. Na edición de 2018 protagonizados por Pepe Solla (Casa Solla); Lucía Freitas (A Tafona Casa de Xantar); Héctor López (Restaurante España); Iñaki Bretal (Eirado da Leña); Diego López (La Molinera); Rubén González (El Cafetín de la Alameda), gañador do concursos gastronómicos Pontedetapas 2017 y De tapas por Galicia! 2017; Rómulo Mendoza (Roldán 37), un dos expoñentes da alta cociña mexicana; Ketty Fresneda, finalista de MasterChef 6 e Benigno Campos, cociñeiro e presentador do programa Larpeiros. Tamén vai haber showcookings con degustación para 100 persoas a cargo do CIFP Carlos Oroza de Pontevedra e o Obradoiro de emprego “Hostelería do Salnés X”.

Espazo Etiqueta

Onde van ter lugar as actividades de formación e presentacións de produtos. Tamén é o lugar onde se van desenvolver os talleres de cociña (Consulta todos os talleres dispoñibles aquí). As actividades do Espazo Etiqueta requiren de inscrición previa que se realizará na propia feira. Os talleres requiren de inscrición e pago previo, a través da web etiquetanegragourmet.com.

Zona de Catas

Espazo que contará cunha intensa programación continua. Desde as 11.30 h horas, e en quendas de 30 minutos de duración, os produtores empregarán esta zona para as demostracións, degustacións e catas comentadas de produto. As actividades da Zona de Catas requiren de inscrición previa que se realizará na propia feira.

Zona de Comida

Como a feira ten horario ininterrumpido (o sábado e domingo de 11.00 a 21.00 h e o luns, ata as 20.00 h) para aquelas persoas que desexen pasar todo o día con nós descubrindo sabores, exquisiteces e rarezas, temos unha zona onde se poderá xantar e na que haberá foodtrucks con interesantes propostas.

Tetería

Espazo promovido pola Deputación de Pontevedra onde se vai dár a coñecer os distintos tipos de té que se producen no noso país. Na tetería haberá cinco sesións de EN_PARELLA té. Descubre o té galego en duetos. Celebraranse o sábado ás 18.00 h, e o domingo e o luns ás 12.00 e ás 18.00 h. As actividades da Tetería requiren de inscrición previa que se realizará na propia feira.

Punto de Encontro Profesional

Etiqueta Negra é tamén unha gran plataforma de negocio para as empresas do sector. Neste espazo e, ao longo das tres xornadas de feira, desenvolveranse numerosas reunións dos expositores con exportadores, distribuidores, tendas gourmet, restauradores, etc, como apoio ao acceso en novos mercados e a expansión dos seus negocios.