Exposición: O Patrimonio da nosa ría en Pontevedra
A exposición “O Patrimonio da Nosa Ría”, consta de 36 capítulos temáticos con fotografías, mapas, debuxos e textos, coa Ría como motor económico de crecemento de Pontevedra, Marín, Bueu e Poio.
O percorrido móstrase seguindo unha liña temporal, que co-meza fai uns 400 millóns de anos ata finais do s. XIX. Os capítulos van desde a formación xeolóxica da Ría, pasando polos dinosauros, petróglifos, os romanos, a importancia da pesca do sal e salgadura, A Moureira, piratas, os Massó, ata chegar ao comezo transformación industrial da comarca coas figuras do Marqués de Riestra e Montero Ríos.
Exposición organizada pola Asociación Provincial de Amas de Casa e Consumidores “Rías Baixas” de Pontevedra e comisariada por Milagros Bará e Amancio Landín.
Visitable desde o venres 9 de febreiro ata o martes 3 de abril, de luns a venres, de 11 a 14 h. e de 17:30 a 20:30 h. Sábados, de 17:30 a 20:30 h. Domingos e festivos, pechado.
Entrada de balde.
