Concerto Loiros en Pontevedra
LOIROS é un novo proxecto fruto da unión dos músicos galegos Héctor Agulla (batería) e Virxilio da Silva (guitarra e voz) co guitarrista francés Wilfried Wilde e o baixista e cantante alemán Felix Barth. Nesta ocasión, estarán a presentar o seu novo Ep, titulado “Arp.”
Nel, mergúllanse nunha peculiar mistura estilística que vai dende os clásicos impresionistas, o jazz moderno ou a tradición sudamericana ate melodías propias do Pop psicodélico, sendo o Post Rock, o Grunge e o Rock Progresivo a columna vertebral do cuarteto.
As cancións xorden da posta en común do imaxinario musical dos dous artistas galegos, permeables a influencias tan dispares coma Nick Drake, Deftones, Tame Impala, Brad Mehldau, Sigur Rós, Reinier Bass, Erik Satie, Claude Debussy, Incubus, Hendrix ...
