![vlcsnap 2016 04 02 23h24m34s71](https://ocioengalicia.com/wp-content/uploads/thumbs/2016/04/vlcsnap-2016-04-02-23h24m34s71-600x360.png)
Fecha: 19/04/2016
Horario: 21:30
Cineclube Pontevedra presenta: Sabine Kleist, 7 anos (Helmut Dziuba, RDA, 1982)
«Sabine Kleist, 7 anos» (Helmut Dziuba, RDA, 1982) é un deses tesouros cinematográficos da Deutsche Film AG (DEFA), produtora estatal da extinta República Democrática Alemá. Un filme que logra un delicado equilibrio: sen simplificar a rebelión da súa protagonista cun cambio demasiado categórico, logra facerlle comprensible ao público a transformación que esta experimenta. Coma a súa heroína, o filme móvese entre constatacións usuais. Aínda que concebido e avaliado coma filme infantil, hoxe, igual ca onte, constátase coma un filme para adultos. Os seus temas (perda, soidade e morte) son, no contexto da DEFA, marcadamente atípicos e ousados.