Teatro Principal
Manel regresan co álbum máis sorprendente, artisticamente ambicioso e radicalmente contemporáneo de toda a súa carreira. Dicir que ‘Per la bona gent’ empeza onde acaba o anterior é quedar moi, moi curto. Aínda que os nove épicos minutos de ‘Jo competeixo’ facíannos prever un futuro asollado de hip-hop e electrónica, nada nos preparou para o que o cuarteto barcelonés logra no seu quinto disco. Será o 12 de decembro ás 12.30 horas.
Dado que o concerto estaba previsto para o mes de abril, na actualidade xa están esgotadas as 60 entradas que as restricións nos permiten poñer á venda. Se co cambio de data se produce algunha devolución ou a situación sanitaria mellora e permite ampliar o aforo, reabriremos a venda en Ataquilla.com
