Taller: Aula de saúde en Ourense

Do 25 de xaneiro ao 28 de maio o Espazo +60 Afundación de Ourense acolle o proxecto Aula de saúde, organizado en colaboración co Centro Médico El Carmen e a Escola de Saúde de Ourense. Trátase dun total de cinco obradoiros de educación en saúde, impartidos por colexiados médicos voluntarios, dirixidos á formación da cidadanía en aspectos básicos relacionados co autocoidado, o coñecemento e a participación activa dos pacientes no tratamento e control das súas propias enfermidades.

Aula de saúde enmárcase dentro da prioridade de Afundación de buscar oportunidades para que a experiencia vital e profesional das persoas maiores siga beneficiando o conxunto da sociedade.

Os obradoiros celebraranse os xoves en horario de 11.15 a 13.15 h. O número de prazas é limitado.

Inscricións no Espazo +60.

PROGRAMA

25 de xaneiro: «Revisa a túa próstata» Dr. De la Rosa Kermamn, recoñecido especialista en Uroloxía, referente polas súas exitosas intervencións como tratamento á incontinencia urinaria. Os seus 30 anos de experiencia levárono a especializarse en cancro de próstata, incontinencia urinaria, disfunción sexual, enfermidades da vexiga e do ril, e cirurxía laparoscópica.

22 de febreiro: «O glaucoma». Dr. Pedro Marcos Iglesias Touriño, Licenciado en Medicina e cirurxía pola Universidade de Santiago de Compostela, Especialista en Oftalmoloxía pola clínica Barraquer de Barcelona, Doutoramento en Medicina e Cirurxía pola Universidade de Santiago de Compostela e Médico adxunto da clínica Barraquer, unidade do segmento anterior, trasplante de córnea e cirurxía de calixe.

22 de marzo: «A diabete». Dra. María José Otero, nutricionista e responsable de farmacia do Centro Médico El Carmen.

25 de maio: «A importancia da fotoprotección».

talleres-2