O luns día 2, ás 11 h na Sala de Prensa da Delegación Territorial, terá lugar a presentación do libro Comisión de Monumentos Históricos e Artísticos de Ourense. 1844-1967. Aproximación Histórica, da autoría de Francisco Fariña Busto, editado polo Grupo Marcelo Macías de Colaboradores do Museo e Arquivo Provinciais de Ourense, coa colaboración da Consellería de Cultura, Educación e Ordenación Universitaria.
Intervirán Xulio Rodríguez González, director do Museo Arqueolóxico Provincial de Ourense, Francisco Fariña Busto, autor do libro e presidente do Grupo Marcelo Macías e cerrará a presentación Xesús Vázquez Abad, conselleiro de Cultura, Educación e Ordenación Universitaria. Contará ademais coa presenza de Anxo Lorenzo Suarez, secretario xeral de Cultura.
