Remix Ensemble Casa da Música

Stephanie Wagner (frauta), Victor Pereira (clarinete), José Pereira (violín), Filipe Quaresma (violonchelo), Jonathan Ayerst (piano).

Desde a súa formación en 2000 a Remix Ensemble presentou en estrea absoluta máis de oitenta obras e foi dirixida polos mestres Stefan Asbury, Ilan Volkov, Kasper de Roo, Pierre-André Vlade, Rolf Gupta, Peter Rundel, Jonathan Stockhammer, Jurjen Hempel, Matthias Pintscher, Franck Ollu, Reinbert de Leeuw, Emilio Pomarico, Brad Lubman e Paul Hillier, entre outros.

En 2011 presentouse no Wiener Festwochen (Viena) e no Festival Agora (IRCAM – París). Entre as obras interpretadas en estrea mundial incluíron dúas pezas de Wolfgang Rihm, compositor en residencia na Casa da Música en 2011.

Entre os proxectos para 2013 destacan os cine-concertos con acompañamento ao vivo de filmes como Paris qui dort! de Remé Clair ou Un perro andaluz de Luis Buñuel, a ópera Quartett, de Luca Francesconi, con escenografía de Nuno Carinhas.

A Remix ten nove discos editados con obras de Pauset, Azquime, Côrte-Real, Peixinho, Dillon, Jorgensen, Staud, Nunes, Bernhard, Pinho Vargas, Wolfgang Mitterer e Pascal Dusapin

PROGRAMA

I PARTE

Enmanuel Nunes: Rubato, restres et résonances (vin, cl, pno – 17´)
Béla Bartók: Contrastes op. 111 (vin, cl, pno – 17´)

II PARTE

Igor Stravinsky: Suite de L´Historie du soldat (cl, vin, pno, - 15´)
Arnold Schönberg (arr. Anton Webern): Sinfonía de Cámara (vln, vlc, cl, pno - 23´)