Contacontos con Raquel Queizás en Pontevedra

Este venres convídavos en Biblioteca de Chapela a un fermoso espectáculo de narración oral, titulado Romaría, escenificado por unha das máis grandes narradoras da nosa terra, Raquel Queizás.

Romaría é un espectáculo de narraión oral onde as nosas lendas tradicionais achegan o mundo rural e antigo aos rapaces, descubríndolles un modo de vida descoñecido para os máis deles.

Queliña, unha nena de aldea, ten que rematar de apañar as patacas para que a deixen ir á romaría. Alí quedou cos amigos para brincar, bailar e facer carreiras de sacos. Cara á tardiña, antes de que remate a festa, todos os rapaces buscan a avoa Tareixa para que lles conte lendas, lendas para perder o medo.