Concierto Antez en Pontevedra

Fecha 19-01-2018
Hora 20:00
Lugar
0 Flares Facebook 0 Twitter 0 Google+ 0 Pin It Share 0 LinkedIn 0 0 Flares ×

Concierto Antez en Pontevedra

Fai dous anos Antez deixounos coa boca aberta cando presentou o seu proxecto Continuum no Liceo, ademais tivemos a sorte de pasar uns días con el.

A experiencia do Continuum fora tan alucinante que cando nos preguntou de repetila este ano non o dubidamos un segundo.
Así nolo explica:

“Os meus Continuum son pezas de música para percusión frotada, caracterizadas pola emisión acústica dos sons.
Ao principio usei pratos, pero rapidamente púxenme a buscar calquera tipo de obxectos, a miúdo obxectos atopados de diferentes materiais e composicións; que despois dunha serie de transformacións, permitíronme continuar desenvolvendo este material sonoro e este traballo en cotinuo movemento.

Os meus Continuum teñen texturas sonoras inusuais, escápanse dos rexistros de percusión tradicionais. Poñen a proba os límites da nosa percepción: de infrasonidos a ultrasonidos, inseridos na intimidade da materia sonora, desde sons microscópicos ata densidades saturadas próximas ao noise, o fluír destes sons evoca tanto contención como exceso, inmersión e intemporalidade.

Hai 3 elementos esenciais que traballan en “correlación” (relación e dependencia):
a arquitectura do espazo sonoro e a súa resonancia, a condición atmosférica do espazo
a calidade de nivelación do piso e a súa natureza.
a presenza específica da audiencia”

Antez é un escultor e percusionista francés que explora a materia sonora, investigando nos seus modos de percepción física. Convencido de que a capacidade de experimentación dos instrumentos acústicos non ten límites, aproxímase a eles como obxectos-dispositivos, transcendendo calquera uso tradicional, xerando unha música de enorme forza. Está formado en percusión con Jacques Givry e en composición electroacústica con Xabier García. Traballou en teatro, danza e cinema, colaborado con bandas como A Cellule d’Intervention Metamkine e Art Molou, e músicos como Seijiro Murayama, Jérôme Noëtinger, Yann Gourdon, Fabrice Césario, David Chiesa ou Tim Hodgkinson, dando centos de concertos por todo o mundo

Pedirase unha colaboración de cinco euros para axudar a cubrir os gastos do infatigable viaxeiro.

Publicidad

Los comentarios se han cerrado.

0 Flares Facebook 0 Twitter 0 Google+ 0 Pin It Share 0 LinkedIn 0 0 Flares ×