Cineclube Pontevedra presenta: En todas as mans (Diana Toucedo, 2015, 100 min.)

Unha realidade silente, mais activa, que resiste o paso dos séculos e os sucesivos ataques por diferentes medios. O monte veciñal en mancomún, porción de territorio xestionada directamente pola veciñanza, unha realidade tan viva como descoñecida na Galiza e Portugal. En todas as mans é unha peza audiovisual que mostra a actividade destas comunidades e a vida dos seus protagonistas acompañadas de voces expertas da economía, xudicatura, ecoloxismo, historia ou o activismo social.