Xuvenlugo 2018 - 2019. Del 5 de diciembre al 7 de enero.
Outro ano máis toda a familia voltará a disfrutar en XuvenLugo con Quío o Esquío e todas as actividades que temos preparadas.
A feira de ocio xuvenil contará con diferentes actividades para os máis novos. O Salón do Ocio Infantil e Xuvenil vai ter lugar no Pazo de Feiras e Congresos de Lugo durante boa parte das datas de nadal e cun horario de 16:30 a 20:30.
HORARIOS
⏰Horarios: de 16:30 a 21:00 h
Atracciones mecánicas: de 16:30 a 21:00 h
A feira de lecer familiar que desde hai 22 anos se celebra na cidade de Lugo, ‘Xuvenlugo’, quedará inaugurada o próximo 5 de decembro no Pazo de Feiras e Congresos da capital lucense cunha xornada de portas abertas na que o acceso a todas as atraccións será gratuíto.
O xerente do Pazo de Feiras e Congresos, Rubén López, explicou durante a presentación de ‘Xuvenlugo’ que, como grandes novidades este ano, os participantes poderán gozar por primeira vez do “mellor rocódromo de España”, cuxa instalación finalizou recentemente no recinto, así como dun campionato de videoxogos de fútbol, que se organizou en colaboración co Club Deportivo Lugo, que milita na segunda división do fútbol español.
Rubén López, que estivo acompañado na presentación pola vicepresidenta da Deputación de Lugo, Maite Ferreiro, asegurou que esta edición de ‘Xuvenlugo’ inclúe tantas actividades que é “imposible” que os nenos poidan gozar de todas elas nunha única xornada.
Ademais da xornada de portas abertas inaugural, haberá outro día no que as atraccións serán gratuítas para todos os nenos, concretamente o 13 de decembro, neste caso grazas á colaboración da Deputación Provincial de Lugo.
A entrada xenérica ao recinto, que conta con 11.000 metros cadrados dedicados ás diversas actividades de lecer que ofrece ‘Xuvenlugo’, custará seis euros por persoa, aínda que haberá descontos para grupos, municipios e asociacións con reserva anticipada.
O horario de apertura será de tarde, desde as 16:30 até as 20:30 horas, entre os días 5 de decembro e 7 de xaneiro, data en que quedará clausurada esta edición de ‘Xuvenlugo’.
O recinto inclúe unha sección dedicada exclusivamente aos nenos de 0 a 3 anos, tamén ludoteca, inchables, unha zona de xogos recreativos, atraccións mecánicas, unha pista de minigolf, outra de slot, unha pista multiaventura, o touro mecánico e o rocódromo, entre outros atractivos para os nenos.
