Presentación de Rosalía de Castro. Cantos de independencia e liberdade (1837-1863) en Lugo
Este xoves 11 de maio, a partir das 19:00, teremos a presentación do libro Rosalía de Castro. Cantos de indepencia e liberdade (1837-1863)
Na presentación estarán a autora da biografía, María Xesús Lama, acompañada por Carmen Blanco (escritora), e Malores Villanueva (editorial Galaxia).
Neste primeiro volume da biografía de Rosalía de Castro nárranse as súas orixes familiares e os seus anos de mocidade. María Xesús Lama, profesora de estudos galegos na Universidade de Barcelona e editora de Cantares gallegos, pescuda con rigor e admiración, con obxectividade non exenta de paixón, na vida da poeta en Galicia e Madrid nun tempo de ideais e de aprendizaxe para a mocidade que na segunda metade do século XIX decide intentar vivir da pluma. A autora aproveita as últimas descubertas da investigación filolóxica e histórica para afondar nas viraxes inesperadas que obrigan a poeta a regresar a Compostela coa carga dunha responsabilidades familiares que lle fan reconsiderar a orientación da súa vida.