As Palabras Ben-ditas, tamén coñecidas como palabras-droga teñen unha longa tradición dende o gaélico até o chino, pasando polas Mil Noites e unha noite, ata as Terras Medias de Portomarín. A súa escoita induce ao individuo ao pensamento e á gargallada, entrefebradas ou tecidas coas historias, co humor e cos contos. As chamadas Teorías Cospeirativas (elaboradas por membros das cooperativas de Cospeito) sobre a participación da CIG na orixe chairega do blues; a simboloxía oculta dos carpíns brancos; a historia da Muller dos Peitos Transparentes… En definitiva, un legado literario e oral na procura do paraíso da risada. Viño da casa, pan e sobremesa. Viva Chuck Berry.
Fecha: 20/04/2014
Horario: 00:30