Fest Clásico Ribeira Sacra

Comezou a V edición do Festival Clásico Ribeira Sacra, que acolle diferentes actuacións en diferentes concellos do sur da provincia de Lugo e ao norte de Ourense.

Así, onte, domingo, tivo lugar o primeiro concerto no Consorcio Local dos Peares da man de Ignacio García Núñez, con violoncello, e de Gema Pastor, co violín; que tocaron diferentes cancións de compositores clásicos.

As seguintes actuacións terán lugar en Chantada e en Carballedo, a primeira o venres 25 na Igrexa de Santa María de Nogueira a partir das 19.30 horas co concerto ‘Primus Inter Pares’; e a seguinte no Auditorio de Carballedo o sábado 26 de agosto a partir das 19.30 horas co concerto ‘Serenata o fantasía?’.

Por último, o domingo 27 haberá dous concertos nos Peares, un ás 12.00 horas no Consorcio Local coa actuación final e a entrega do premio Galimusic, e a última actuación ás 19.30 horas na Igrexa do Mosteiro de Santo Estevo Ribas do Sil a partir das 19.30 horas.