O Dúo Cassadó chega ao Círculo das Artes de Lugo o sábado, 27 de febreiro de 2021 ás 20:00 horas.
Representará a J. S. Bach coa Suite para violonchelo nº 3, Z. Kodály e o seu Adagio para violonchelo e piano, E. Bloch con From a Jewish Life e Arvo Pärt e a súa obra Spiegel im Spiegel / Fratres.
Este dúo formado por Damián Martínez Marco, violonchelo, e Marta Moll de Alba, piano, é aclamado internacionalmente pola súa exquisita musicalidade e sensibilidade. Actuaron en prestixiosas salas e festivais de todo o mundo e recibiu o recoñecemento do público e da crítica internacional.
Damián Martínez, considerado un dos mellores violonchelistas da súa xeración, foi recoñecido e apoiado por Mstislav Rostropovich. Foron recomendados por Alicia de Larrocha, como o máis brillante dúo representante da música de cámara de España.
Pola súa banda, Marta Moll de Alba está considerada como unha brillante representante dos pianistas da súa xeración. Gañou concursos de piano en Barcelona, Porto e Mannheim.