Wikimaratón do Día Internacional da muller en Ourense
Wikimaratón do Día Internacional da muller en Ourense
Programa:
- 10h30 Iniciación á edición
- 11h30 Wikimaratón de artigos
- 13h30 Wikitorta 15 aniversario de Galipedia
A Biblioteca Pública de Ourense acollerá, o vindeiro 10 de marzo, un 'Wikimaratón' para introducir na Galipedia, co gallo do seu 15 aniversario, biografías de mulleres galegas. A actividade, enmarcada no programa do Día da Muller, está aberta a toda a cidadanía e pretende pór en valor a figura de mulleres destacadas en diferentes ámbitos que non teñen a merecida referencia na enciclopedia galega en liña.
15 anos de recompilación enciclopédica en galego
A Galipedia nacía un 8 de marzo de 2003 coa primeira versión da portada, o xermolo do que agora é: unha enciclopedia libre, aberta, e colaborativa en lingua galega, con case 146.000 artigos e un número de editores activos que ronda os 300. É dicir, unha media de produción de máis de 20 artigos diarios que fan posible ir elaborando unha ferramenta para o coñecemento en campos e disciplinas do máis diverso.