Sábado, 16 de xaneiro de 2021 ás 20:15 horas no Círculo das Artes de Lugo
A Sociedade Filarmónica de Lugo organiza o concerto do Cuarteto Quiroga. Premio Nacional de Música 2018, o cuarteto residente no Museo Cerralbo de Madrid e responsable durante anos da Colección Palatina de Stradivarius decorados do Palacio Real, está considerado hoxe como un dos grupos máis singulares e activos da nova xeración europea, internacionalmente recoñecido entre crítica e público pola forte personalidade do seu carácter como grupo e polas súas interpretacións audaces e renovadoras.
Aitor Hevia e Cibrán Sierra co violín, Josep Puchades coa viola e Helena Poggio co violonchelo, actuarán no CÍrculo das Artes de Lugo o 16 de xaneiro.
Para asistir ao concerto será preciso reservar as localidades. Compre reservalas por correo electrónico no enderezo: filarmonicadelugo@gmail.com ou chamando por teléfono ao número 982 230 805.
