Non é necesario ser unha Habitación –
Pois o Cerebro ten Pasadizos – ao marxe do
Espazo Material –
É máis seguro toparse a Medianoite
Cun Espíritu de fóra,
Que plantar cara ao que se leva dentro –
Ese Xélido Hóspede.
É máis seguro profanar as Lousas
Ao percorrer unha Abadía –
Que atoparse sen Armas a un mesmo –
En Lugar solitario –
O eu que vixía tralo eu –
Debería asustarnos moito máis –
Un Asasino oculto na nosa Casa
Non é tan terrorífico –
Toma o Corpo – un Revólver –
E pecha os Candados –
Ignorando a un espectro máis temible –
Ou Algo máis –
Poema 670
Poemas á morte, Emily Dickinson
