Pistacatro Productora de Soños presenta: Outono, en Santiago de Compostela

Pistacatro Productora de Soños presenta: Outono, en Santiago de Compostela.

Sábado 18 de novembro de 2017 as 18:30 e as 19:35  horas.

Con motivo dos dez anos do nacemento de Pistacatro, a emblemática compañía de Novo Circo Galego dá o seu mortal máis arriscado: OUTONO, un novo espectáculo no que reúne a parte dos seus fundadores para celebrar o máis difícil aínda, facerse maior.

Outono é unha homenaxe aos pallasos clásicos, contada a través dunha compañía de clowns en plena crise. Un espello no que se miran os artistas e as súas personaxes, unha carpa caída onde se suceden as estacións.

Outono é un espectáculo de teatro-circo con música en directo, que nos conta a viaxe nostálxica de catro artistas ao seu pasado, unha celebración da amizade e dos fracasos, unha reivindicación de ser idiotas, unha mirada poética ao antigo oficio dos pallasos. Un reencontro cheo de emocións, verdade e humor.

Equipo técnico e artístico

Intérpretes: Aitor Garuz, Manu Lago, Natalia Outeiro "Pajarito" e Pablo Reboleiro
Dirección: Antón Coucheiro
Produción: Belém Brandido, José Expósito
Escenografía: Uxia Vaello (Deseño de carpa/Realización Pequeno Atrezzo)
Vestiario: Uxia Vaello
Música: Xabier Mera
Iluminación: Javier Quintana
Son: Javier Piñeiro
Canción "Idiota": José Díaz
Apoio Dramaturxia: Marcos Carballido
Maquillaxe: Trini F. Silva
Axudante Maquillaxe: Irene Maneiro Paz
Xastra: María Villas con Maravillas Atelier
Deseño Imaxe: Juan Gallego
Foto promocional: Afonso G. Sestelo
Fotos espectáculo: Lara Bacelos
Vídeo: Tamboura Films
Comunicación: Pistacatro Productora de Soños S.L.
Distribución: Pistacatro Productora de Soños S.L.