Mon élue noire / à nos faunes, en Santiago de Compostela

Mon élue noire / à nos faunes, en Santiago de Compostela.

Olivier Dubois sabe que non pode darlle resposta á chamada da Consagración nunha soa e única peza. É pois, unha colección de consagracións da primavera, unha disección que el propón para sabermos máis sobre as pantasmas desta obra. Listo par baixar, primeira parte da colección, foi creado en maio de 2012 no Musée d’Art Moderne de la Ville de Paris. En decembro de 2014, será a Consagración 2 esta vez coa bailarina e coreógrafa Germaine Acogny, «a elixida negra» mítica de Maurice Béjart, que nunca bailou. É a esta raíña de setenta anos a quen Olivier Dubois lle regala esta nova Consagración, poderosa na forza e na profundidade da alma africana, nunha nova visión da obra.

«E sobre todo o meu corpo tanto como a miña alma, gardádevos de cruzar os brazos na actitude estéril do espectador, porque a vida non é un espectáculo, porque un mar de dores non son un proscenio, porque un home que berra non é un oso que baila... »

Cahier d'un retour au pays natal, Aimé Césaire, éd. Présence africaine, 1956, p. 42

«No que me atinxe, se eu lembrei algúns detalles destas horribles matanzas, foi porque pensei que non nos desfaremos desas cabezas de homes, esas amputacións de orellas, ese sangue que fumega, se lle prestamos pouca atención. Repito: no que me atinxe, penso que esas cabezas de homes, esas amputacións de orellas, esas casas queimadas, esas invasións góticas, ese sangue que fumega, esas cidades que se evaporan co fío da espada, non nos desfaremos deles se lles facemos pouco caso. A colonización, repito, deshumaniza mesmo o home máis humanizado; a acción, a empresa, a conquista colonial, fundada sobre o desprezo aos homes indíxenas e xustificada por ese desprezo, tende inevitablemente a modificar aquelo nos propoñemos; o colonizador, que para facerse boa conciencia, afaise a ver nos outros a besta, a tratalos como besta, tende obxectivamente a transformarse el mesmo en besta. É esta acción, este choque de retorno da colonización o que me interesa sinalar de novo.»