Les Artuáns. Maxia absurda en Santiago de Compostela
Les Artuáns. Maxia absurda en Santiago de Compostela.
Pistacatro Productora de Soños.
Sábado 11 de novembro de 2017 as 18:30 e as 19:15 horas.
Dos creadores de Antuán de la Cream e Arturo Nono. Agora unidos nun mesmo show, nace Les Artuáns. Un espectáculo de maxia cómica, onde o cómico se ve e ... a maxia tamén. Un show para todos os públicos onde se mestura o clown, o mimo, o absurdo, as risas, máis clown, moitas máis risas e tamén un pouco de maxia.
Les Artuáns, clown e maxia unidos sobre o escenario para non parar de rir.
Intérpretes: Arturo Cobas e Antonio Delgado
Pistacatro Productora de Soños, é un colectivo humano constituído como empresa fundado por varios artistas con sede en Santiago de Compostela e pioneira en Galicia en crear, producir e distribuír espectáculos de Novo Circo e Cabaré. Actores e actrices de teatro, músicos, malabaristas, acróbatas e clowns, o heterodoxo grupo de artistas decidiu establecerse como empresa no ano 2006, logo de varios de traxectoria en común.