Tropical en Pontevedra

Tropical en Pontevedra.

A obra Tropical estará o próximo xoves 20 de decembro na cidade de Pontevedra, no Teatro Principal de Pontevedra a partir das 21:00 horas.

Espectáculo sensitivo, universal e evocador que nos mergulla no universo da viaxe e na súa vasta riqueza de matices e dimensións.

Un navío habitado por viaxeiros con destinos entretecidos. Turistas, migrantes, músicos e refuxiados... custodiados por unha vixiante e dilixente tripulación. Do norte ao sur nun cruceiro sedutor e do sur ao norte fuxindo da fame e dos cascallos.

Desde a ironía e o absurdo, Tropical reflicte situacións que se están a producir non moi lonxe. Na terra, paisaxes de guerras e muros. No mar, infinitas historias, desexos e soños que se cruzan.