III Festival Perqueartiko de Nadal: Contos de mesa de noite en Vigo

Os contos da mesa de noite é un proxecto de narración oral e títeres. Este fermoso proxecto de microarte comezou cando a narradora e actriz Bea Campos atopou dúas mesas de noite tiradas no lixo. O artista plástico Miguel Sagüillo axudoulle a facer da súa idea unha realidade, pintounas e, con moito agarimo e paciencia, descubriu que nelas estaba escondido un teatro con música, luz e títeres.