Elaboración dos Bolouros en Ourense
Anda a maxia do entroido entrando por todos os recovecos, o cheiro a tradición, as festas ancestrais, o desenfrene, a tolea de vivir fóra de nós. No Umpalumpa rabeamos polo entroido e queremos aportar un grauciño a esa maxia, o domingo á tardiña empaparemos as mans en barro para fabricar os BOLOUROS.
Durante os anos de prohibición parece ser que na comarca era a forma de disfrutalo entroido, as xentes vestíanse de farrumecos e tinguían a cara uns a os outr@s, cos BOLOUROS, que, meses atrás os tiñan feitos e postos a secar para o día grande.
O barro que se usa ten unhas características únicas, e as vetas que hai cada vez escasean máis. O domingo teremos ese barro propio dos BOLOUROS no Umpalumpa, para poder darlle forma a outra pequeniña parte da nosa historia.
Fotografía de Xoel Gómez.